МАМБЕТОВ Айып
МАМБЕТОВ Айып (1926-жылы туулган, азыркы Нарын обл., Ат-Башы району, Кара-Булуң кыш. - 16. 4. 2007, Чүй обл., Аламүдүн району, Орто-Алыш кыш.) - экономика илимдеринин доктору (1984), профессор (1985). Ат-Башы районундагы мектептерде мугалим, директор (1944-60). Ысык-Көл, ЖетиӨгүз р-ндорунда колхоз-совхоздордун өндүрүш башкармасында уюштуруучу инспектор (1960- 63), Кыргыз ССР ИА ЭИде кенже, улук илимий кызматкер (1963-71), 1971-2007-жылы КАЧИде кафедра башчысы болуп иштеген. 90дон ашык илимий эмгектин (анын ичинде 9 монография) автору. Илимий эмгектери негизинен колхоз-совхоздордун экономикасынын проблемаларына арналган.
Эмг.: Резервы увеличения производства продукции овцеводства и повышения его рентабельности. Ф., 1966; Проблемы эффективности овцеводческих хозяйств. Ф., 1983.