МАНАС МӨҢГҮСҮ
МАНАС МӨҢГҮСҮ - Талас Ала-Тоосунун түндүк капталындагы чуңкурчак тибиндеги мөңгү. Узундугу 4,4 км, аянты 6,4 км2. Талас дарыясынын сол куймасы - Үрмарал суусунун алабында жайгашкан. Башы деңиз деңгээлинен 3700 м, этеги 3220 м бийикте. Кар чегинин бийиктиги 3460 м, абляциясынын аянты 3,7 км2. Мөнгүнүн этегин мореналар жаап жатат. Андан Үрмарал өзөнү башталып, оң курамы - Табылгытыга куят.