МАЛАГА

МАЛАГА - Испаниянын түштүгүндөгү шаар. Жер Ортолук деңиздин жээгинде, Малага бух­тасында жайгашкан порт. Малага провинция­сынын администрациялык борбору. Калкы 574 миң (2010; шаар агломерациясы менен 930 миң). Эл аралык аэро­порту, метрополитен бар. Жогорку ылдамдык­тагы т. ж. байланышы (Мадрид, Севилья) иш­тейт. М. аркылуу Жер Ортолук деңиз автостра­дасы өтөт. Ө. ж-нын башкы тармагы - тамак­аш ө. ж. (зайтун майы, жашылча-жемиш жана балык консервалары). Машина куруу (анын ичинде кеме), химиялык-фармацевтика (жер семирткичтер, май боёктор, тиричилик химиялык товарлары, кос­метика), жеңил (булгаары буюмдары - сумка, чемодан), текстиль, нефть-химиялык ө. ж., ташты иштетүүчү жабдууларды чыгаруучу ишканала­ры иштейт. Самын кайнатылат. Шарап жасоо­нун борбору (шаардын четинде жүзүмчүлүк өнүккөн). «Малага» таттуу (десерт) шарабы салт­туу түрдө ачытылып, анын негизинде «шарап туризми» өнүккөн. Университет 20 музей (анын ичинде П. Пи­кассонун. музейи, фонду, үй-музейи), театрлар бар. Биздин замандын ч . 11-к. ченде финикиялыктар

тара­бынан негизделген. Рим театрынын калдыкта­ры, араб архитектурасынын эстеликтери Алькасаба (8-12-к.), «Хибральфаро» сепил-маягы (13-к.), собор (16-17-к.), Нуэстра Сеньора де ла Викто­рия чиркөөсү ж. б. архитектуралык эстеликтер (9- 18-к.) сакталган. Балыкчылык өнүккөн. Кли­маттык курорт. Жыл сайын театр жана испан фильмдеринин фестивалдары өткөрүлүп турат.