ЛАГ
ЛАГ (голландча 1о£) - 1) кеменин сууга салыштырмалуу ылдамдыгын ж-а басып өткөн жолун өлчөөчү прибор. Л. мех. (зым арканга чиркелүүчү калакчалуу айлангыч) ж-а гидравликалык (суунун кеме жүргөндөгү динамикалык басымын өлчөөчү) болуп айырмаланат. Өлчөөнүн азыркы ыкмаларына атайын электр-магниттик датчикте суу агымынын негизинде алынган электр тогунун күчүн өлчөө ж-а гидролокаторду колдонуп аныктоо (к. Сонар) ж. б. кирет;
2) гидроакустикалык Л. - кеменин ылдамдыгын дениз түбүнө (абс. ылдамдык) ж-а кеменин четтөө бурчуна салыштырмалуу аныктоочу гидроакустикалык станция; 3) өз ара байланышкан эки экон. кубулуштун ортосундагы убакыт интервалын мүнөздөгөн экон. көрсөткүч. Анын бири себеп, экинчиси натыйжа болот. Мис., товар өндүрүүнүн башында ж-а аны массалык түрдө өткөрүүдө, о. эле кубулушка каражат бөлүү м-н курулуш объектилерин ишке киргизуү учурунда Л. болот. Л-дын курулуштук, тышкы, ички убакыттык, имитациялык ж. б. түрлөрү бар.