АВСТРАЛИЯ ПЛАТФОРМАСЫ

АВСТРАЛИЯ ПЛАТФОРМАСЫ ‒ Австралия материгинин батыш жана борбордук бөлүктөрүн, ошондой эле  Жаӊы Гвинея аралынын түштүгүн камтыган кембрийге чейинки байыркы структура. Архей ‒ төмөнкү протерозой фундаменти метаморфизмге дуушарланган жанар тоо, гнейс, гранит тоо тектеринен түзүлгөн. Жогорку протерозой ‒ палеозойдун чөкмөлөрү (жабындысы) терриген, карбонаттуу жана жанар тоо (платобазальт) тектеринен турат, кара: Австралия.