АВЛОС
АВЛОС (грекче aulos – үйлөө) – байыркы гректердин эки чымылдактуу, 4 добуш чыгаруучу көзөнөгү бар музыкалык аспабы. Аткаруучулар бир эле мезгилде эки аспапта ойношкон. Алдыңкы Азияга жанa Байыркы Грецияга кеңири тараган. Авлос Жер Ортолук деңизинин жээгинде жашаган элдердин арасына тибия деген атга тараган .Авлос өзү жалгыз же кош болушу мүмкүн. Анын дизайны азыркы гобойду элестетет.
