АУТОИНФЕКЦИЯ

АУТОИНФЕКЦИЯ (ауто… жана ...инфекция ) ‒ организмдин өзүндөгү инфекциянын кайталанышы. Оорудан айыккан адамдын организминде сакталып калган козгогучтар кээ бир ыӊгайлуу шартта жанданып, ошол эле инфекцияны кайра козгойт. Аутоинфекция көбүнчө жугуштуу бактериялык ооруларга таандык. Организмдин жалпы туруктуулугу начарлаганда, чарчаганда, узакка ачка болуп алсызданганда, кансыраганда ж. б. жагымсыз абал учурунда, организмдеги козгогучтар (микробдор) көбөйүп, өнүгүп, мурунку инфекция кайталанышы мүмкүн.