КОРГОН (Лейлек районундагы кыштак)
КОРГОН – Баткен обл-нун Лейлек р-нундагы кыштак. Лейлек айыл округуна караштуу. Козу- Баглан суусунун боюнда, деңиз деңг. 1100 м бийикте жайгашкан. Райондун борбору Исфана ш-нан 40 км чыгыш тарапта. Пролетарск (Тажикстан) т. ж. бекетинен 100 км. Калкы 2554 (2007); негизинен мал м-н алектенип, тамеки өстүрөт. Орто мектеп, китепкана, мад-т үйү, мечит, ФАП бар. Турмуш-тиричилик кызматынын бөлүмдөрү, соода түйүндөрү иштейт.