КОНТРРЕВОЛЮЦИЯ
КОНТРРЕВОЛЮ́ЦИЯ – революцияга тикеден-тике каршы турган процесс; кулаган (же кулай турган) таптын социалдык революцияяга каршы жасаган аракети. Контрреволюция күнү бүткөн коомдук ж-а мамлекеттик түзүлүштү сактоого же кайра орнотууга багытталат. Айрым учурда революция контрреволюциядан жеңилип да калат (мисалы, Германиядагы 1848–49-жылдардагы революция, 1871-жылкы Париж Коммунасы ж. б.). Эгер айыгышкан күрөштүн натыйжасында реакциячыл күчтөр талкаланса, революция толук жеңишке жетишет (Улуу Октябрь социалисттик революциясы, Куба революциясы ж. б.). Контрреволюция – коомдук ж-а мамлекеттик түзүлүштү жаңыртуу же сактап калуу ж-а согуш аракеттери м-н рев-янын жүрүшүн, жыйынтыктарын артка буруу же жок кылууга багытталган күрөш. Көптөгөн революциялык теориялар боюнча контрреволюциянын же реакциянын күчтөрү кайсы чет өлкөлүк мамлекеттин таасиринде болсо, анын жардамы м-н кайра бийликке келиши мүмкүн. Контрреволюциянын куралдуу каршылык, жарандык согуш, кутум ж. б. формалары болот.