КОНТИНЕНТ

КОНТИНЕ́НТ (лат. continens – материк), м а т е р и к – жер кыртышынын туш тарабынан океан, деңиз суулары м-н чулганган ири бөлүгү. Кыртышынын орточо калыңдыгы – 35–45 км. Ага гранит-метаморфизмделген тоо тек катмарлуу жер кыртышынын континенттик түзүлүшү мүнөздүү. Азыркы геологиялык доордо 6 континент бар: Евразия (аянты 53,4 млн км²), Африка (30,3 млн км²), Түндүк Америка (24,2 млн км²), Түштүк Америка (18,2 млн км²), Антарктида (14,0 млн км²), Австралия (7,7 млн км²).