КОМБИНАТОРИКА ГЕОМЕТРИЯСЫ
КОМБИНАТО́РИКА ГЕОМЕТРИЯСЫ – математиканын фигуралар системаларынын комбинатордук мүнөздөгү экстремалдык касиеттерин изилдөөчү бөлүмү. Бул маселе томпок көптүктөрдүн оптималдуу иретте жайгаштырылышы м-н тыгыз байланышкан. Мисалы, 13 ш а р жөнүндөгү маселе: евклид мейкиндигиндеги шарга барабар бардык шарлардын максималдуу саны канча? Бул суроого 1611-жылы И. Кеплер 12 деп жооп берген. Бирок так чыгарылышын голландиялык математик Б. Л. Ван-дер-Варден 20-кылымдын ортосунда далилдеген. Комбинаторика геометриясында математиканын ар кандай тармактарындагы (топология, функциялык анализ, графтар теориясы ж. б.) ыкмалар колдонулат. Комбинаторика геометриясы дискреттик геометрияга ж-а томпок көптүктөр теориясына жакын.
Ад.: Яглом И. М. О комбинаторной геометрии. М., 1971; Болтянский В. Г., Солтан П. С. Комбинаторная геометрия различных классов выпуклых множеств. Киш., 1978.