КОЛЬ
КОЛЬ Гельмут, Х е л ь м у т (3. 4. 1930-жылы туулган, Германия, Людвигсхафен шаары) –
мамлекеттик ж-а саясий ишмер, Германиянын федералдык канцлери (1982–98). Христиандык-демократиялык партиянын төрагасы (1973–98). Франкфурт ж-а Гейдельберг университеттерин бүткөн. 1969–76-жылдарда Рейнланд-Пфальц жери боюнча өкмөт башчысы болуп иштеген. 1990-жылы анын демилгеси м-н Батыш ж-а Чыгыш Германия бириктирилген, бирдиктүү Германиянын биринчи канцлери.