БАРАБАРСЫЗДЫК

БАРАБАРСЫЗДЫК – каалагандай эки $a_{1}$ жана $a_{2}$ сандарын төмөнкү белгилердин: $<$ (кичине), $\leq$ (кичине же барабар), $>$(чоӊ), $\geq$ (чоӊ же барабар), ≠ (барабар эмес) бирөө менен гана байланыштыруучу катыш, башкача айтканда $a_{1}<a_{2},a_{1}\leq a_{2},a_{1}>a_{2},a_{1}\geq a_{2},a_{1}\neq a_{2}.$. Кээде бир нече барабарсыздык бирге жазылат, мисалы, $a<b<c$. Эгер барабарсыздыктын эки жагына теӊ бир эле санды кошсок (же кемитсек), ал өзгөрүүсүз калат. Ушул сыяктуу эле барабарсыздыктын эки жагын теӊ бир эле оӊ санга көбөйтүүдөн ал өзгөрбөйт. Бирок барабарсыздыктын эки жагын теӊ терс санга көбөйтсө, анын белгиси карама-каршысына өзгөрөт (башкача айтканда $<$ белгиси $>$белги менен, ал эми $>$ белгиси $<$белгиси менен алмаштырылат). $A<B$ жана $C<D$ дан $A+C<B+D$ жана $A-D<B-C$ барабарсыздыктары келип чыгат, башкача айтканда бир маанилеш барабарсыздыктарды ($A<B$ жана $C<D$) мүчөлөп кошууга, ал эми түрдүү маанидегилерди ($A<B$ жана $D>C$) мүчөлөп кемитүүгө болот. Эгер $A,B,C$ жана $D$ оӊ сандары берилсе, анда $A<B$ жана $C<D$ барабарсыздыктарынан AC < BD$AC<BD$ жана ${\frac {A}{D}}<{\frac {B}{C}}$ барабарсыздыктары келип чыгат.