БАКУ КОММУНАСЫ
БАКУ КОММУНАСЫ – Бакуда жана Азербайжандын айрым аймактарындагы Совет бийлигинин (1918-жыл, апрель – июль ) өкмөтүнүн аталышы. Өкмөттүн курамы большевиктерден жана солчул эсерлерден түзүлүп, Эл комиссарлар Советинин төрагасы С. Г. Шаумян болгон. Азербайжанда Совет бийлигин орнотуу аракети алгач ийгиликсиз аяктап, Баку коммунасы түрк жана англис аскерлери тарабынан кыйратылган жана анын 26 жетекчиси (Баку комиссарлары – С. Г. Шаумян, М. А. Азизбеков, П. А. Жапаридзе, И. Т. Фиолетов ж. б.) «Борбордук Каспий диктатурасы» өкмөтү тарабынан туткунга алынып, 1918-жылы 20-сентябрда Закаспийде атылган.