БАЗАРКУЛОВ
БАЗАРКУЛОВ Мукаш (05. 06. 1935-жылы туулган, Нарын облусу, Ак-Талаа району, Саз айылы) – педагог, КРдин эл мугалими (2005). Мугалимдердин эки жылдык институтун (1955), КМУнун филология факультетин (1962), Алматыдагы жогорку партиялык мектепти (1974) бүтүргөн. 1955–57-жылдарда Ак-Талаа районундагы «Жаңы-Тилек», «Саз» жети жылдык мектептеринде мугалим болуп иштеген. 1965-жылга чейин Тогуз-Торо районундагы орто мектепте мугалим, Ак-Талаа райондук билим берүү бөлүмүнүн башчысы, Кыргызстан Компартиясынын Ак-Талаа райкомунун уюштуруу бөлүмүнүн башчысы (1965–1968), 1970-жылы Кыргызстан КП БКнын инспектору, 1971-
1979-жылдарда партиянын Талас райкомунун экинчи жана биринчи секретары, 1979–1991-жылдарда билим берүү министри болгон. 1991-жылдан Чүй облустук билим берүү башкармалыгынын башчысы болуп эмгектенет. Кыргыз ССР Жогорку Советине депутат болуп шайланган. Эмгек Кызыл Туу ордени (1973) жана медалдар менен сыйланган.