МУРАКЕ
МУРАКЕ - Чүй обл-нун Москва р-нундагы кыштак. Ак-Суу айыл аймагына караштуу. Ак-Суунун сол жээгинде, деңиз деңгээлинен 960 м бийиктикте, Москва мамлекеттик адистештирилген чарбасынын аймагында жайгашкан. Райондун борбору жана т. ж. бекети Беловодский кыш-нан 13 км түштүк тарапта. Калкы 930 (2009); негизинен дыйкан чарбаларында эмгектенет. Негизги мектеп, китепкана, ФАП, клуб бар. Улуу Ата Мекендик согушта курман болгондорго эстелик тургузулган.