МИҢ-КУШ (кыштак)

МИҢ-КУШ, К а б а к - Нарын облусу Жумгал районундагы кыштак. 1953-жылдан 2012-жылы чейин шаарча. 1949-жылы негизделген. Кабак уран кен­ташын казып алууга байланыштуу пайда бол­гон. Жумгал р-нунун түштүк бөлүгүндөгү Миң-Куш кууш өрөөнүндө, деңиз деңгээлинен 2120 м бийикте жай­гашкан. Түндүгүнөн Кабак-Тоо, түштүгүнөн Мол­до-Тоо кырка тоосу менен курчалган. Миң-Куш суу­сунун оң жээгинде (шаарчанын жана өрөөндүн аты ошондон). Рельефи тоолуу, жеринин бети батышты карай жантайып, адыр-күдүрлүү. Ай­магы отун-энергетикалык, минерал-сырьё ресур­старына бай. Ошондой эле күрөң көмүр, кум, майда шагыл аралашмасы ж. б. бар. Республи­канын борбору Бишкектен 400, облустун ббрбо­ру Нарын ш-нан 300, райондун борбору Чаек кыш-нан 55 км түштүк-батышта. Балыкчы т. ж. бекетинен 220 км түштүк-батыш тарапта. Калкы 3,3 миң(2012); негизинен ө. ж-да, курулушта, транспорт жана байланышта, соодада, өндүрүш эмес чөйрөдө жана менчик чарбаларда эмгекте­нет. Миң-Куш «Оргтехника» АК, «Ак-Улак» көмүр разрези, нан заводу жана ЖЭБ, «Аманат» транспорт, «Назик» соода АКтары ж. б. иштейт.

Кыштактын жалпы көрүнүшү.

Үч орто, балдардын музыкалык жана спорт мектептери, кесиптик-техникалык окуу жайы, китепкана, 4 бала бакча, маданият үйү, 2 клуб, стадион, оорукана (70 орундуу), поликлиника, дарыкана бар. Тез жар­дам бөлүмү, АТС, почта, соода мекемелери, та­мактануу жайлары, турмуш-тиричилик кызма­тынын бөлүмдөрү, базарчалар иштейт. М.-К. кыш-нда композитор М. Бегалиев туулган.