МЕРЦБАХЕР КӨЛҮ

МЕРЦБАХЕР КӨЛҮ — Кан-Теңир тоо тоомунун батыш капталындагы бийик тоо көлү. Эңилчек өрөөнүнүн батышында, Түндүк Эңилчек мөңгүсүнүн этек бөлүгүндө жайгашкан. Узундугу 2-3 км, туура­сы 1,1 км, аянты 4 км², тереңдиги 60-70 м. Көл чанагы деңиз деңгээлинен 3304 м бийиктикте жатат. Көл сол капталдан түшкөн мөңгү менен тосулуп, андан омурулуп кулаган муз сыныктары (айс­бергдер) көлдүн үстүндө калкып жүрөт. Август - сентябрда көл чанагы сууга толуп, мөңгү жа­рылганда Түштүк Эңилчек мөңгүсүнүн жаракала­ры аркылуу 5-7 күндүн ичинде суу агып кетип, көлдө майда чөөттөр гана калат. Кээ бир жайы салкын жылдарда көл чанагы сууга толбогон­дуктан, көлдөн суу агып чыкпай калган учур-

лар болот. Андан башталган суу Эңилчек суу­суна куят. Жээктери муз менен чектелгендик­тен, анын узундугу жана аянты өзгөрүп турат. Көлгө 1903-жылы немис саякатчысы Г. Мерцбахер келип, изилдеп кеткендиктен, анын ысмы бе­рилген.