МАТЕРИАЛДЫК ЧЕКИТ

МАТЕРИАЛДЫК ЧЕКИТ - механикада массага ээ болгон чекит катары каралган объектини бел­гилөөчү түшүнүк. М. ч-тин мейкиндиктеги аба­лы геометриялык чекит сыяктуу аныкталгандыктан, механика маселелери бир топ женил чыгарылат. Иш жүзүндө нерсенин алга умтулуу кый­мылында же нерсенин айлануу бөлүгү эске алынбаганда М. ч. деп каралат. Ар кандай механикалык системанын (катуу зат) кыймылында анын мас­сасынын (оордук) борбору жалпы эле система­нын массасына барабар болгон М. ч. сыяктуу кыймылдайт.