МАСЫ

МАСЫ (1937-91-жылы Л е н и н-Ж о л ) - Жалал­Абад облусунун Ноокен районундагы кыштак. Ноо­кен р-нунун жана Масы айыл аймагынын борбо­ру. Эски-Масы суусунун боюнда, Ош - Бишкек автомобиль жолунун жээгинде, деңиз деңгээлинен 750 м бийиктикте жайгашкан. Облустун борбору жана т. ж. бекети Жалал-Абад ш-нан 45 км аралык­та. Тентек-Сай т. ж. бекетинин (Өзбекстан) 20 км. Калкы 15,1 миң (2009); негизинен дый­кан чарбаларында эмгектенет. Кыштакта Ноо­кен р-нунун дээрлик бүт мекеме-ишканалары орун алган. Андан сырткары нан заводу, ашкана­чайканалар, ресторандар, сауна-мончо, 13 тегир­мен, 4 май жуаз, 2 ак жуаз, фирма жана базар иштейт. Төрт орто жана музыкалык мектеп, китепкана­лар, 6 бала бакча, балдардын билим берүү бор­бору, музей, маданият үйү,.кинотеатр, 3 клуб, бор­борлоштурулган райондук оорукана, санитария­эпидемиол. станция, борборлоштурулган дары­кана бар. Улуу Ата Мекендик согушта курман болгондорго 2 эстелик тургузулган.