МАГНИТТИК АНОМАЛИЯЛАР

МАГНИТТИК АНОМАЛИЯЛАР - Жердин маг­нит талаасынын кадимки абалынан четтеши.

М. а. оң (көбөйгөн) да терс (азайган) да болот. Картада жер магнетизминин бирдей маанидеги чекиттерин туташтырып туруучу сызык түрүндө белгиленет. Ээлеген аймагы боюнча континенттик, аймактык, локалдык М. а-га бөлүнөт. К о н т и­ненттик М. а. 10-100 миң км² аянтты кучагына алып, мында бирдей магниттүү та­лаалар (диполь талаалары) нормалдуу талаа болуп эсептелет, мисалы, Чыгыш Сибирь, Зонд а. А й м а к т ы к М. а. 1-10 миң км² аянтты ээлеп, жер кыртышынын түзүлүш өзгөчө­лүктөрүнө байланыштуу болот, мисалы, Сибирь, Чыгыш Европа платформалары. Жергилик­т ү ү М. а. бир нече м²дан жүздөгөн км² аянтты камтып, жер кыртышынын үстүнкү бетинин түзүлүшүнө, тоо тектеринин магниттелишине көз каранды болот (темир кени жаткан жерлер, мисалы, Курск Магниттик аномалиясы). Ошол се­бептен кен байлыктарды издөөдө, чалгындоодо магниттик съёмка ыкмасы кеңири колдонулат.