ЛИФТ

ЛИФТ (англ. lift - көтөрүү) - көп кабаттуу үй­лөрдө, шахтада адамды жана жүктү жогору көтө­рүп чыгаруучу, төмөн түшүрүүчү жабык кабина. Электрдик Л. чыгырык (блок) аркылуу өткөн болот аркан менен бир жагына кабина жана экин­чисине каршы салмак илинген. Көтөрө турган жүктүн салмагы кабина менен каршы салмактын айырмасына барабар болуш керек. Л. шахта­нын жогору жагында жайгашкан электр мото­ру менен кыймылга келет. Гидравликалык Л. тө­мөн жагынан кабинанын астындагы домкрат менен тирелип көтөрүлөт. Азыркы автоматтык Л-тер микропроцессорлор менен башкарылат жана ар кандай чакырууга жараша иш аткарат. Ка­бинанын эшиги кабаттын дал тушуна келгенде ачылат. Көк тиреген көп кабаттуу үйлөрдө экс­пресс Л. - төмөндөн жогорку кабатка чейин жет­кирүүчү жана белгилүү кабатка чейин гана жет­кирүүчү Л-тер орнотулган. 0. эле жүргүнчү та­шуучу Л. (жөнөкөй, тез жүрүүчү, оорукана Л-и) жүк көтөрүмдүүлүгү 320-1600 кг, ылдамдыгы 0,5-7 м/с, ал-эми жүк ташуучунуку (мисалы, дү­көндөрдө) 10 г, 0,18-0,5 м/с. Көтөрүү бийикти­ги болжол менен 150 жден жогору.