ЛЕГИРЛЕНГЕН БОЛОТ

ЛЕГИРЛЕНГЕН БОЛОТ - технол. касиетин жакшыртуу үчүн курамына легирлөөчү элемент­тер кошулган болот. Легирлөөчү элементтер бал­кып, эриген болотко ферроэритме же лигатура түрүндө киргизилет. Алардын жалпы саны 2,5% болсо, начары 2,5тен 10%ке чейин, орточосу ж-а 10%тен жогоркусу жакшы легирленген деп эсептелет. Хром, никель, молибден, вольфрам, ванадий, марганец, титан - өтө кеңири колдо­нулган легирлөөчү элементтер. Легирлөөчү 2, 3 ж-а андан көп элементтер ар кандай катышта ж-а өлчөмдө кошулат. Ошого жараша Л. б. хром­дуу, хром-никелдүү, хром-никель-молибдендүү, хром-никель-вольфрамдуу ж. б., пайдаланылы­шына жараша констр. болот, аспаптык болот ж-а өзгөчө касиеттүү (электр-тех., дат баспоо­чу, ысыкка чыдамдуу ж. б.) болот деп айырма­ланат, к. Легирлөө.