ЛАКХНАУ

ЛАКХНАУ - Индиянын түндүгүндөгү шаар. Инди-Ганг түздүгүндө, Гомати д-нын (Гангдын сол куймасы) өрөөнүндө жайгашкан. Уттар-Пра­деш штатынын адм. борбору (1947-жылдан). Калкы 2,8 млн (2010). Маанилүү жолдор тоому (Дели—Калькутта автомобиль жолу өтөт). Эл аралык аэропорту бар. 1528-ж. негизделген.

«Бара Имамбара» комплекси. Борборунда «Асафи Масжид» мечити.

Л-ну «Чыгыштын алтын шаары» (арх-ралык ку­рулуштарында алтын колдонулгандыгы ж-а уни­калдуу зер буюмдары үчүн) деп аташат. «Бара Имамбара» шейиттер үчүн ыйык комплекс (1783- 84; а. и. мечит), «Руми Дарваза» (же «Түрк Дар­базасы», 1784), саат мунарасы, Ыйык Иосиф со­бору сакталган. Текстиль, кагаз, металл иш­тетүү, булгаары-бут кийим, тамак-аш, полигр. ө. ж. ишканалары иштейт. Көркөм кол өнөр­чүлүк өнүккөн. Индиянын ил., маданий, мед. ж-а биол. ири борбору. ИИИлер, ун-ттер, кол­леждер, музейлер бар. Жыл сайын февралда му­зыка ж-а бий фестивалдары өткөрүлөт.