ЛАУТОКА

ЛАУТОКА - Фижи Респ-ндагы шаар. Батыш округунун адм. борбору. Калкы 55,2 миң (2010; шаар айланасы м-н 80 миң); калкынын саны б-ча өлкөнүн борбору Сувадан кийинки 2-шаар. Нади эл аралык аэропорту (Л-дан 25 км.) бар. Тынч океандын жээгиндеги порт. 1789-ж. пай­да болгон. 1977-жылдан шаар. Л. - «шекер бор­бору» деп аталып, өлкөдөгү эң ири кант з-ду, улуттук ири компаниялардын офистери жай­гашкан. Металл конструкциялары, жыгач иш­тетүүчү, тигүү, тамак-аш (суусундуктар) ө. ж. ишканалары иштейт. Жыл сайын кант фести­валы өткөрүлөт. Шаардын четинде эл аралык курорт комплекстери (пляж, дайвинг, яхтинг, гольф клубдары, алымсыз соода кылуучу дүкөн­дөр) уюштурулган.