ЛАТЫНДАР

ЛАТЫНДАР (лат. ЬаНп!) - Байыркы Италия­нын индиевропа тегиндеги италик уруулары. Б. з. ч. 2-миң жылдыктын башында Апеннин ж. а-нын аймактарына лигурлар көчүп келип, Борб. Италия аймактарын [Тибр ж-а Лирис (азыркы Лири) д-нын ортосу] ээлеп, Лаций (азыркы Лацио) аймагын мекендеген. 19-20- к-дагы окумуштуулардын (Л. Пигорини, Ита­лия; В. Гельбиг, Германия) пикири б-ча Л. - Альп тоолору аркылуу түндүктөн келген коло ж-а эрте темир археол. мад-тына таандык уруу­лар. Орус окумуштуусу В. И. Модестов Л-дын ата-бабалары Террамар мад-тын түзгөн деп эсеп­тесе, 20-к-да итал. окумуштуу М. Паллотино италиктер м-н катар Адриатика аркылуу Ита­лияга акырындап журт которгон чакан-чакан топтор болгон деп далилдеген. О. эле Лацияда­гы Альбан дөбөлөрү, Лавиния ж. б. аймактар­да байыркы көрүстөндөр, археол. табылгалар Л-дын дыйканчылык ж-а мал чарбачылык м-н кесиптенип, уруу-уруу болуп жашаганын, ал­гачкы коомдук түзүлүштүн ыдыроо белгилери байкала баштаганын, алар жер-сууга (к. Фети­шизм), жаныбарларга (к. Тотемизм) сыйынып, магиялык үрп-адаттарды колдонушканын көрсөтөт. Б. з. ч. 6-5-к-да Л-дын түн. тобу этрусктар м-н бирге Римге каршы күрөшкөн (к. Латын согуштары). Л. 2-Латын согушунан (б. з. ч. 340-338) кийин жоюлган.

Ад.: Нечай Ф. М. Рим и Италики. Минск, 1963; Маяк И. Л. Взаимоотношения Рима и талийцев в III - II вв. до н. э. (до грахканского движения). М., 1971.