БАРГУЗА КЫРКА ТООСУ

БАРГУЗА́ КЫРКА ТООСУ Россиянын Чыгыш Сибирь (Бурятия) бөлүгүндө, Байкал көлүнүн түн.-чыгыш жээгин бойлой 280 кмге созулуп жатат. Бийикт. 2841 мге чейин. Гранит, кристаллдык сланецтен турат. Батыш капталын мырза карагай-кызыл карагайлуу ж-а күӊүрт ийне жалбырактуу тайга, чыгышын кызыл карагайлуу токой ээлейт. Минералдуу булактары бар. Батыш капталында Баргуза коругу, Забайкалье улуттук паркы уюшулган.