АНАЛИЗДИН ХИМИЯЛЫК МЕТОДДОРУ

– заттын сапаттык, сандык курамын аныктоо ыкмасы. Хим. анализ сапаттык ж-а сандык, о. эле

элементтик, мол., функциялык, изотоптук, фазалык болуп да айырмаланат. Хим. анализ салмактык (гравиметриялык) ж-а көлөмдүк (титриметриялык) ыкмалар м-н жүргүзүлөт. Салмактык ыкмада аныкталуучу элементти анализденүүчү заттан эркин түрдө, чөкмө түрүндө же газ түрүндө бөлүп алып, анын салмагы ченелет. Көлөмдүк анализде эритмелердеги аныкталуучу ион м-н реакцияга кирүүчү заттын белгилүү концент-дагы эритмесинин көлөмүн өлчөйт.