КОНТРАТАКА

КОНТРАТА́КА (фр. contre-attaque, contre – каршы ж-а attaque – кол салуу) – аскерлердин коргонуу чегине кирип келген душмандын аскерин талкалоо ж-а убактылуу алдырып койгон так­тикалык абалды калыбына келтирүү максатын­да душманга каршы чабуулу. К. коргонууда тур­ган аскерлердин активдүүлүгүн мүнөздөйт. Со­гуш майданындагы К. коргонууда турган аскер бөлүктөрүнүн күчү м-н жүргүзүлөт. Айрым учур­да ага авиация, танк, замбирек ж-а миномёт­тор жардам берет. Душман коргонуу чебин ку­рууга ж-а резервдерин алып келүүгө үлгүрө электе аскерлердин душманга чечкиндүү ж-а капы­сынан урган соккусу К-нын жеңишин камсыз кылат.