ГУАЯКИЛЬ

ГУАЯКИ́ЛЬ – Эквадор мамлекетиндеги шаар. Гуаяс провинциясынын адм. борбору. Калкы 2,0 млн (2010). Гуаяс д-нын чатында жайгашкан порт. Жолдор тоому. Өлкөнүн экон. ж-а сырткы соода борбору. Эл аралык аэропорту бар. Тамак-аш–татымал, тактай тилүү, булгаары-бут кийим, текстиль, металл иштетүү өнөр жай ишканалары иштейт. Ун-т, музейлер (муниципалдык ж-а антропология) бар. 1531-ж. негизделген. Санто-Доминго чиркөөсү (1540) сакталган.