ЖОГОРКУ ЧЫҢАЛУУДАГЫ ТЕХНИКА

ЖОГОРКУ ЧЫҢАЛУУДАГЫ ТЕ́ХНИКА – электр техникасынын жогорку электрдик чы­ңалуудагы (1 кВттан жогору) ар кандай чөйрөдө болуучу электрдик кубулуштарды үйрөнүүчү ж-а колдонуучу бөлүгү. Ж. ч. т-нын негизги ба­гыты – электр тогун өткөрүүчү линиялардын узакка ишенимдүү иштөөсүн ж-а ашыкча чыңа­лууга туруштук берүүсүн камсыз кылуу үчүн жо­горку вольттуу электр машиналарын ж-а ку­рулмаларын жасоо. Экинчи маанилүү багыты – жогорку вольттуу курулмаларда пайда болгон жогорку жыштыктуу нурланууну ж-а таажы­луу разрядды изилдейт. Ж. ч. т-га, о. эле жо­горку вольттуу курулмаларды сыноочу, өлчөөчү түзүлүштөрдү иштеп чыгуу ж-а пайдалануу жу­муштары тиешелүү. Газ тазалоо системасында, сырдоо ж. б. багыттарда колдонулуучу элект­рон-иондук технология Ж. ч. т-нын өзүнчө бөлүмү болуп эсептелет.