ДИССИПАЦИЯ СИСТЕМАСЫ

ДИССИПА́ЦИЯ СИСТЕМАСЫ – багытталган процесстеги энергия багытталбаган процесстин энергиясына айланган динамикалык система. Мех. Д. с-нда толук энергия (кинетикалык ж-а потенциалдык энергиялардын суммасы) энергия­нын башка түрүнө (мис., жылуулукка) өтүп, энергиясы азаят. Бул процесс мех. энергиянын диссипациясы (чачырашы) деп аталат. Д. с-нын кыймылы акырындоочу, басаңдоочу, о.эле ыл­дамдоочу кыймыл болот. Беттешкен катуу нер­селердин кыймылына каршы аракет эткен суюк же кургак сүрүлүү күчү, чыңалуусу деформация­нын ылдамдыгына көз каранды болгон илээш­кек чөйрө Д. с-на мисал болот.