БЕЛТИР

БЕЛТИР – хакастардын курамындагы этностук топ; 18-к-га чейин Абакандын оң жээгинен Ар­бат ж-а Табатка чейинки жерлерди байырлаш­кан кыргыздардын бир уруусу. Хакас оозеки чы­гармаларында алар 1703-ж. Жуңгарияга зордоп көчүрүлгөн кыргыздардын өз мекенине кайтып келген бөлүгү катары баяндалат. Орус жазма булактарында Б-лер 1635-жылдан белгилүү. Минуса ойдуңун Россия басып алгандан кийин Кытайдын Цин империясы м-н түзүлгөн Кяхта келишимине (1727) Б-лер да катышып, чегара­ны көзөмөлдөөгө укук алышкан. Б-лердин көп­чүлүгү тарыхый санжыраларды жакшы билишет ж-а 15–18 муунга чейин айтып бере алышат.

О. Каратаев.