МОЛДАКМАТОВ

МОЛДАКМАТОВ Асанбек (9. 8. 1923, азыркы Чүй обл., Аламүдүн (азыркы Кант) р-ну, Бай­тик (мурунку Орто-Алыш) айылы - 10. 8. 1993, Бишкек) - алгачкы театр сүрөтчүсү, живопис­чи, Кыргыз ССРинин иск­вого эмг. сиң. ишмери (1963).

Фрунзе көркөм сүрөт окуу жайын (1941), Ленинградда­гы Репин атындагы сүрөт акаде­миясын бүтүргөн (1953). Улуу Ата Мекендик согуш­ка катышкан (1942-43). Кыргыз мамлекеттик академиялык опера жана балет театрында сүрөт­чү-коюучу (1953-71), ошондой эле учурда респ-канын эл чарба жетишкендиктеринин көргөзмөсүндө башкы сүрөтчү (1954-56), Фрунзе ш-нын башкы сүрөтчүсү (1971-75) болуп иштеген. Ал театрда ЗОдан ашуун спектаклди жасалгалаган, анын ичинде опе­ралар - «Ажал ордуна» (В. Власов, А. Малды­баев, В. Фере), «Демон» (А. Рубинштейн), «Жаш жүрөктөр» (М. Абдраев), «Лакме» (Л. Делиб), «Ак-шумкар» (С. Ряузов), «Тоска» (Ж. Пуччи­ни), «Кармен» (Ж. Бизе), «Олжобай менен Ки­шимжан» (М. Абдраев) ж. б.; балеттер - «Анар» (В. Власов, В. Фере), «Корсар» (Л. Делиб), «Ак куу көлү» (П. Чайковский), «Куйручук» (К. Мол­добасанов) ж. б.; комедиялар - «Бойдоктор» (А. Аманбаев), «Аршин мал алан» (У. Гажибе­ков), «Аста секин, колукту» (Н. Давлесов). Жи­вописчи катары пейзаждык жана портреттик чы­гармаларды жараткан. Кыргыз жайлоолорунун кооздугун чагылдырган пейзаждары: «Аламүдүн капчыгайы» (1948), «Тамга» (1954), «Жети-Өгүз аскалары» (1957), «Ысык-Көл таштары» (1965), «Жайлоодо» (1967) ж. б. 3. Кайназарова, Т. Бок­чубаев ж. б. эмгек эпкиндүүлөрүнүн, Байтик баа­тыр ж. б. инсандардын портреттерин тарткан. «Ардак Белгиси», 2-даражадагы Ата Мекендик согуш ордендери жана медалдар менен сыйланган.