МИКОЯН Артём Иванович

МИКОЯН Артём Иванович [23.7(5. 8). 1905, Тиф­лис губерниясы, Борчалинск уезди, Санаин кыш. (азыркы Армения, Алаверди ш-нын чегинде) - 9. 12. 1970, Москва] - советтик авиаконстр., СССРде биринчи реактивдүү самолётторду түзүүчүлөрдүн бири, СССР Ианын академиги (1968; корреспондент мүчө, 1953), инженер-техникалык кызматтын генерал-полков­ниги, эки жолку Социалисттик Эмгектин Баатыры (1956, 1957). Н. Е. Жуковский атындагы Аскер-аба инженердик академия­сын бүтүргөн (1936). Авиациялык заводдо аскер өкүлү, констр-дук бюронун жетекчисинин орун басары. 1940-жылдан самолёт куруу боюнча тажрыйба­констр-дук бюронун башкы констр-у. 1956-жыл­дан генералдык констр. 1940-жылдарда М-дын жетекчилигинде (орус инженери М. И. Гуревич менен бирге) МиГ-1 истребители түзүлгөн. Ошол эле жылы ал истребитель өркүндөтүлүп (МиГ-3), Улуу Ата Мекендик согушта (1941-45) пайдаланылган. М-дын жетекчилигинде үндөн ылдам учуучу реактивдүү самолёттор - МиГ-9, МиГ-15, МиГ-17, МиГ-19, МиГ-21 (канаты үч бурч, үндөн эки эсе ылдам учат), МиГ-23 (учуп баратып канатын өзгөртөт), МиГ-25 (үндөн үч эсе ылдам учат) истребителдерин түзүлгөн. Анын самолётторунда 55 дүйнөлүк рекорд коюлган. СССР Жогорку Советинин (3-8-шайланышы) де­путаты, Лениндик сыйл. (1962), СССР мамлекеттик сыйл. (1941,1947, 1948, 1949, 1952,1953)лауре­аты. Алты Ленин ордени, башка 4 орден жана медалдар менен сыйланган.

Ад.: Арзуманян А. М. Генеральный конструктор Анын Ичинде Микоян. М., 1961.