МЕТРИКА (математика)

МЕТРИКА математикада - берилген мейкиндиктеги көптүктөгү эки чекиттин эле­менттеринин ортосундагы аралыкты же систе­мада бурчтун ченин аныктоочу ыкма же математикалык термин. Дифференциалдык геометриядаМ. диф­ференциалдык квадраттык форманын жардамы менен жаа элементинин узундугу аркылуу кир­гизилет. Сызыктуу вектордо жана функционал­дык мейкиндикте М. скалярдык көбөйтүндү катары аралыкты жана бурчту аныктайт. Топо­логияда х жана у элементтеринин ортосундагы р(х, у) аралыгын киргизүү менен берилген көп­түктү М-лык мейкиндикке өзгөртүп түзүүдө кол­донулат.