МАГНИТ АНИЗОТРОПИЯСЫ

МАГНИТ АНИЗОТРОПИЯСЫ - ар кандай крис­таллограф. багыттар боюнча нерселердин магнит­тик касиеттеринин бирдей эместиги. Изотроп­туу газ, суюк, аморфтуу жана поликристаллдуу катуу нерселерде М. а. макромасштабда байкал­байт. М. а. ферромагниттик монокристаллдар­да ачык байкалат, анткени мындай кристалл­дардын жеңил магниттелүүчү октору бар. Ошол октор боюнча өз алдынча магниттелүүчү ферромаг­ниттик домендер багытталган. Домендин маг­нит энергиясы минималдуу болгондуктан, ок­тор боюнча магниттелиши жеңил болот. Кээ бир поликристаллдарды механикалык, жылуулук, магнит­тик жол менен иштеп чыгууда, алар кристалло­графиялык же магниттик текстурага ээ болуп, пайда болот.