ЛЕДОКОЛ

ЛЕДОКОЛ, муз жаргыч - музду жарып сүзүп, башка кемелерге жол ачуучу ж-а уюлдук деңиздерде сүзүүчү кеме. Ал кубаттуу кыймыл­даткычынын, өтө бышык корпусунун ж-а өзгөчө (атайын жасалган) формасынын натыйжасын­да музду жарып сүзөт. Л-дун корпусу күчөтүлгөн констр-да жасалып, муздун каршылыгына (ка­лыңдыгына) туруштук берет. Муз талаасы м-н кезиккенде Л-дун тумшук жагы муздун үстүнө

чыгып, өзүнүн салмагы м-н музду жарат. Ал дарыяда, көлдө, деңизде ж-а портто жүрүүчү бо­луп бөлүнөт. 1864-ж. дүйнөдө биринчи Л. - орус пароходу «Пайлот» жасалып, кыймылдаткы­чынын кубаттуулугу 44,2 кВт болгон. Ал эми 1957-ж. «Ленин» атн. ядролук Л. сууга түшү­рүлгөн. Анын суу сыйымд. 16 000 тж-а башкы турбинасынын кубаттуулугу 32,4 МВт болуп, күйуүчү отунсуз эле тынымсыз иштөө убактысы 1 жылдан ашат. Жээктерин түндүктөгү деңиз­дер чулгап турган АКШ, Канада, Россия, Фин­ляндия, Швеция мамлекеттеринин кубаттуу муз жаргыч флоттору бар.

Ад.: Арикайнен А. И„ Чубаков К. Н. Азбука ледо­вого плавания. М., 1987.