ЛА-ПАС

ЛА-ПАС - Боливиядагы шаар. Өлкөнүн расмий борбору ж-а Ла-Пас департаментинин адм. бор­бору. Андыда, Кордильера-Реаль кырка тоосу­нун этегинде, Ла-Пас д-нын өрөөнүндө жайгаш­кан. Калкы 896,8 миң (2010). Эл аралык аэро-

Сан-Франциско соборунун алдындагы аянт.

порту бар. Шаар аркылуу Панамерика шоссеси өтөт. Испандар тарабынан 1548-ж. негизделген. Собор (1830), Сан-Агустин (1668), Санто-Домин­го (1726), Сан-Франциско (3 нефтүү базиликасы м-н; коңгуроолуу, 1885) ж. б. чиркөөлөр сак­талган. Боливиянын ири экон. чордону. Кайра иштеп чыгаруучу ө. ж. ишканасынын продук­циясынын ²/₃ бөлүгү чыгарылат. Текстиль, та­мак-аш, булгаары-бут кийим, цемент ж. б. ө. ж. ишканалары иштейт. Көркөм кол өнөрчүлүк (күмүш, алтын, карапа буюмдар жасалат) өнүккөн. Ун-ттер, ИА, китепканалар, музейлер (а. и. улуттук археол., «Тиауанако» улуттук көркөм), театр ж. б. бар. Шаарга жакын жерде дүйнөдөгү эң бийик Чакалтая тоо лыжа базасы (деңиз деңг. 5400 м) жайгашкан ж-а шаардан 72 км батышта байыркы Тиауанако ш-нын кал­дыктары (Бүткүл дүйнөлүк мурастын тизмеси­не киргизилген) бар.