ЛАЗЕРДИК ГРАВИРЛӨӨ

ЛАЗЕРДИК ГРАВИРЛӨӨ - лазердин жардамы м-н басма калыптарын (формаларын) гравирлөө (оюу). Жогорку сапаттуу басуу үчүн пластина ж-а цилиндрлерди Л. г-дө компьютерлештирил­ген сканерлөөчү түзүлүш колдонулат ж-а яндя лазер нуру айлануучу барабанга бекитилген түп нускага келип түшөт. Сканер маалыматты са­нариптеп анализдегенден кийин, борб. компью­тер сүрөттөлүштү кесүү үчүн башка лазерге ко­манда берет. Басма калыптарын тез даярдоо ыкмасы - тикеден-тике, үзгүлтүксүз этаптардан турган бир цилиндрден экинчисине көчүрүү. Кай­талануучу сүрөттөр ж-а сүрөттөлүштөр бир эле негизги цилиндрде сакталат ж-а улам ки­йинкилерин кошуп турууга болот. Л. г. үчүн эн жакшы материал - резина. Ал лазер нурунун таасиринен бууланат ж-а сыяны оной кабыл алат. О. эле цилиндрге пластинкаларды сүрөт­төлүштү' камтыган бөлүгүн гана даярдагандай кылып жайгаштырса да болот.