БИОТЕХНИКАЛЫК СИСТЕМА

БИОТЕХНИКАЛЫК СИСТЕ́МА – өз ара байланышкан ж-а бири бирине көз каранды биол. ж-а тех. системалардын же объектилердин жыйындысы. Мис., космос кемесинин борттук Б. с-сында ашкана, аба ж-а сууну калыбына келтирүү (регенерациялоо) блогу, энергия м-н камсыздоо түзүлмөсү, жылуулукту жөндөө, таштандыларды минералдаштыруу, кээде космос оранжереясы ж. б. кирет. Бул система узак убакытка учуучу космонавттардын жашоосун камсыз кылат.