АЛГА

‒ Баткен обл-нун Кадамжай р-ндагы кыштак. Алга айыл аймагына караштуу. Катыраӊ кырка тоосунун этегинде жайгашкан. Райондун борбору Пүлгөн кыш-нан 30 км түн.-батыш тарапта. Кызыл-Кыя темир жол бекетинен 67 км. Деӊиз деӊг. 710 м бийиктикте жайгашкан. Калкы 2319 (2009); негизинен дыйканчылыкта, мал чарбасында эмгектенет. Орто мектеп, спорт комплекси, китепкана, турмуш-тиричилик комбинатынын бөлүмдөрү, чайкана, ашкана, оорукана бар.