ГИЛБЕРТ АРАЛДАРЫ

ГИ́ЛБЕРТ АРАЛДАРЫ – Тынч океандагы атоллдор (аралдар) тобу (16дай), Микронезияда; Кирибати мамлекетине караштуу. Аянты 264 км². Өлкөнүн борбору – Баирики ш. Тарава атоллунда жайгашкан. Климаты экватордук, ысык ж-а нымдуу. Бадалдуу өсүмдүктөр басымдуу. Кокос пальмасы, жашылча-жемиш өстүрүлөт. Г. а. 1764 ж-а 1824-жылдардын аралыгында англ. деӊиз офицерлери тарабынан ачылып, капитан Ж. Гилберттин урматына аталган.