ЖАҢЫ-ЖЕР (Сузак районундагы кыштак)

ЖАҢЫ-ЖЕР – Жалал-Абад обл-нун Сузак р-нундагы кыштак. Сайпидин Атабеков атн. айыл округуна караштуу. Кара-Дарыя суусунун боюнда, деңиз деңг. 720 м бийикте жайгашкан. Райондун борбору Сузак кыш-нан 17 км түш. тарапта. Жалал-Абад т. ж. бекетинен 25 км. Кыштак 1973-ж. негизделген. Калкы 2084 (2007); негизинен дыйканчылыкта эмгектенет. Орто мектеп, китепкана, клуб, ФАП бар.