ДИАПАЗОН

ДИАПАЗО́Н [гр. diā pason (chordon) – бардыгы (кылдар) аркылуу] – 1) м у з ы к а д а – ырдоого ылайык ырчы үнүнүн, муз. аспаптын ж. б. до­буштук өлчөмү (эӊ төмөнкү ж-а жогорку добуш­тардын аралыгы м-н өлчөнөт.); 2) кандайдыр бир чоӊдуктун өзгөрүүчү бөлүгү, мис., радиока­былдагычтын жыштык (толкун узундугу) Д-у, өлчөгүч жабдыктын өлчөө Д-у; 3) өтмө маани­де – билимдүүлүктүн, жөндөмдүүлүктүн өлчөмү.