МОЛУККА АРАЛДАРЫ

МОЛУККА АРАЛДАРЫ (Мо1иссаз, Ма1ики) - Малайя архипелагынын чыгыш бөлүгүндөгү аралдар тобу; Сулавеси жана Жаңы Гвинея а-нын аралыгында. Индонезиянын аймагы. Аянты 83,7 миң км². Калкы 1,2 миллион (2010). Негизги аралдары - Хальмахера, Серам, Буру. Аралда­ры тоолуу (Биная чокусу, 3019 м). Онго жакын аракеттеги жанартоо бар; жер титирөө болуп турат. Климаты экватордук, түштүгүндө субэк­ватордук. Жылдык жаан-чачыны 800-4000 мм. Аймагынын 80%тен ашыгын дайыма жашыл экватордук (пальма, фикус, дептерокарп, бам­бук) токой ээлейт; 1200 м бийиктен жогору жал­бырагы күбүлмө жана ийне жалбырактуу токой, түздүктөрүндө бадалдар, дарак сымал папо­ротниктер, иланг-иланг чөбү өсөт. Сачо жана кур­ма пальмасы, жыпар мончок дарак, мускус жаңгагы, шалы, жүгөрү, жыттуу, калемпир ж. б. татымалдар өстүрүлөт («татымалдар архи­пелагы» деп да аталат.) Негизги порту - Амбон.