МИЧУРИН

МИЧУРИН Иван Владимирович (15(27). 10. 1855, азыркы РФ, Рязань обл., Пронский р-ну, Мичуровка кыш. - 7. 6. 1935, Мичуринск ш.) - биолог, СССРде мөмө-жемиш өсүмдүктөрүнүн илимий селекциясына

негиз са­луучу; СССР ИАнын ар­дактуу мүчөсү (1935), ВАСХНИЛдин академиги (1935). Пронский уезддик окуу жайын бүтүргөн. М. сорт аралык жана алыскы те­гинен гибриддештирүү, гиб­ридди онтогенездин закон ченемине байланыштырып багып өстүрүү ыкмалары, ментора ыкмасы, көчөттү баалоо жана тандоо, физикалык жана химиялык факторлор­дун жардамы менен селекция процессин тездетүү, тексиз гибриддештирүүнүн теориялык негизин иштеп чыккан. М. аргындаштыруу үчүн баштапкы өсүмдүктү тандоо теориясын ачкан. СССРде көптөгөн мөмө-жемиш өсүмдүктөрүн райондош­турган. М. жүзүм, кызыл өрүк, гилас ж. б. түш­түктө өсүүчү өсумдуктөрдү суук жакка (Түндүк жак­тарга) өстүрүүгө жол ачкан. Ленин, Эмгек Кы­зыл Туу ордендери менен сыйланган. Өсүмдүк ге­нетикасы жана селекциясы боюнча жетишкендик­тер үчүн ыйгарылуучу И. В. Мичурин атындагы ал­тын медаль белгиленген.

Эмг.: Соч., 2-е изд. М., 1948. Т. 1-4. Итог шести­десятилетних работ. М., 1950.

Ад.: Иванов С. В. И. В. Мичурин и его наследие: жизнь и деятельность в фотографиях и документах. М., 2005.