МАХМУД ЧУРАС

МАХМУД ЧУРАС, Ш а х-М ахмуд ибн Мирза Фазил Чорос (т., өлгөн жылы белгисиз) - о. азиялык тарыхчы, акын. Жашынан билим­ге умтулуп, фарсы тилин абдан жакшы өздөш­түргөн. Анын Моголстан менен Жаркент ээлик­теринин тарыхына арналган «Тарих-и Шах Мах­муд Чурас» (чорос - уруунун аталышы), «Та­рих-и Рашиди (Зайли)», «Анис ат-Талибин» ж. б. чыгармалары белгилүү. «Тарих-и Рашиди (Зайли)» эмгеги Мухаммед Хайдардын «Та­рих-и Рашиди» эмгегинин уландысы катары эсептелет. Анда Моголстан мамлекетинин сая­сий турмушуна кыргыздардын да жигердүү ка­тышкандыгы жөнүндө маалыматтар кезигет.

Ад.: Материалы по истории кыргызов и Кыргыз­стана. Б., 2003, Т. 1.