ЛОКАРНО КЕЛИШИМДЕРИ (1925)

ЛОКАРНО КЕЛИШИМДЕРИ (1925) - Германия­нын батыш чек араларына кепилдик берүү жана эл аралык арбитраж маселесин чечүү үчүн тү­зүлгөн келишимдер. 1925-жылы 16-октябрдагы Ло­карно конференциясында (1925) макулдашы­лып, 1-декабрда Лондондо кол коюлган. Л. к. негизинен Рейн пактысы - Германия, Бельгия, Франция, Италия жана Улуу Британия ортосун­дагы жалпы кепилдикти сактоо болгон. Бул пак­тыга жамынган Улуу Британия жана Франция Германиянын катышуусу менен антисов. блок түзуүгө ниеттенген. Бирок Германиянын чыгыш чек аралары Локарнодо иштелип чыккан кепил­дикке кирген эмес. Пактыда Германиянын, Франциянын жана Бельгиянын бири бирине кол салбай, талаш маселе болсо тынч жол менен жөнгө салуу, ошондой эле Версалъ тынчтык келишими (1919) белгилеген Германия менен Франциянын жана Германия менен Бельгиянын чек араларынын бузулбастыгы көрсөтүлгөн. Германия Улуттар Лигасына мүчө болуп (1926, сентябрь), улуу дер­жава катары анын кеңешинен туруктуу орун алгандан кийин келишим күчүнө кирген. Гер­маниянын Франция, Бельгия, Польша, Чехос­ловакия менен өз өзүнчө түзгөн арбитраж жөнүндөгү келишимдери Рейн пактысын толуктаган. Мын­дан сырткары Франция менен Полыпа жана Фран­ция менен Чехословакиянын ортосунда кепилдүү келишимдер түзүлгөн, ал боюнча бул 2 мамлекетке башка мамлекет кол салса, анда аларга Фран­циянын жардам берүүсү каралган. Л. к-нин ка­был алынышы Франциянын абалы начар экен­дигин көрсөткөн, ошондуктан фашисттик Гер­мания Л. к-н орой бузуп, 1936-жылы 7-мартта де­милитарлаштырылган Рейн зонасына өз аске­рин киргизген.