ДЕМОКРАТИЯЛЫК ЦЕНТРАЛИЗМ

ДЕМОКРАТИЯЛЫК ЦЕНТРАЛИ́ЗМ – партия­лардын коомдук-саясий ишмердигиндеги, мамлекеттик бийликти ишке ашыруудагы жетекчи негизде­ринин бири – башкаруунун борбордоштурулуп уюшулушу. Анда жетекчи органдардын төмөн­төн жогору шайланышы, алардын өз партиялык уюм­дарына ж-а жогорку органдарга мезгил-мезги­ли м-н отчёт берүүсү, азчылыктын уюмдашкан көпчүлүккө баш ийүүсү, жогорку органдардын чечимдеринин төмөнкүлөр үчүн аткарууга сөзсүз милдеттүүлүгү; булардын баары коммунисттик ж-а жумушчу партиялардын уюмдашуу негиз­дери, ошондой эле, тоталитардык мамлекеттердин сая­сий түзүлүшү болуп келген.